धुळ्यात १० हजारांची लाच घेताना स्टेनो जाळ्यात

 धुळे । शहरातील भाऊसाहेब हिरे वैद्यकीय महाविद्यालयातील स्टेनोला एका व्यक्ती मार्फत १० हजारांची लाच घेताना शुक्रवारी रंगेहात ताब्यात घेण्यात आले. वैद्यकीय प्रमाणपत्रासाठी पोलिसाकडून लाचेची मागणी करण्यात आली होती. स्टेनोला ५० हजार रुपये वेतन आहे. सुदेश मानकर (रा. देवपूर, धुळे) असे लाच घेणाऱ्या स्टेनोचे नाव आहे. जिल्हा पोलीस दलात कार्यरत असलेल्या एका हेडकॉन्स्टेबलने याबाबत तक्रार दिली आहे. त्यांच्या तक्रारीनुसार, सेवेत पुन्हा रुजू होण्यासाठी वैद्यकीय प्रमाणपत्राची गरज होती. त्यासाठी हिरे शासकीय रुग्णालयाकडे अर्ज करण्यात आला होता. मात्र त्यासाठी अधिष्ठाता डॉ. अजित पाठक यांचा स्टेनो असलेला सुदेश मानकर याने लाचेची मागणी केली. तडजोडींती १० हजार रुपये देण्याचे ठरले. तर याबाबत संबंधित पोलिसांनी धुळे लाचलुचपत प्रतिबंधक विभागाकडे तक्रार केली. दादू নামক एका खाजगी व्यक्तीमार्फत मानकर हे तक्रारदार यांच्याकडून लाच घेत असताना त्यांना रंगेहात ताब्यात घेण्यात आले. या प्रकरणी मानकर यांच्याकडे उशिरापर्यंत चौकशी सुरू होती. यातून इतरांची नावेही समोर येऊ शकतात, असे संकेत पथकाने दिले आहे. उपअधीक्षक सचिन साळुंखे व त्यांच्या पथकातील इतरांचीही चौकशी होण्याची शक्यता आहे.